Manchester United menn fóru illa með Arsenal 4-0

1-0 Wayne Rooney 16
2-0 Darren Fletcher 20
3-0 Luis Nani 38
4-0 Darren Fletcher 74

Manchester United menn fóru illa með Arsenal í 16 liða úrslitum enska FA bikarsins í dag og unnu stórsigur 4-0. United menn voru sterkari frá fyrstu mínútu og strax á 16. mínútu kom Wayne Rooney þeim yfir með laglegu skallamarki. Þremur mínútum síðar voru Manchester United menn komnir í 2-0 þegar að Darren Fletcher vann William Gallas í skallaeinvígi og skoraði.

Nani kom Manchester United í 3-0 á 38. mínútu eftir stungusendingu frá Michael Carrick og leikurinn því nánast búinn í hálfleik. Á 50. mínútu urðu Arsenal menn einum manni færri þegar að Eboue var vikið af leikvelli fyrir að sparka í Evra. Manchester United menn gerðu svo endalega út um leikinn á 74. mínútu þegar að Darren Fletcher skoraði sitt annað mark.

Úrslitin 4-0 sannfærandi sigur Manchester United, en United menn gátu leyft sér að hvíla Ryan Giggs og Cristiano Ronaldo í kvöld.